News Details

കഴക്കൂട്ടം: കൊയ്ത്തൂർക്കോണം സ്വദേശി അബുദാബിയിൽ കൊവിഡ് ബാധിച്ച് മരിച്ചു. പോത്തൻകോട്, കൊയ്ത്തൂർക്കോണം, ആനക്കോട്, എ.എം.എസ് കോട്ടേജിൽ അലിയാരു കുഞ്ഞ് - ഐഷാബീവി ദമ്പതികളുടെ മകൻ അബ്ദുൽ അസീസ് (53) ആണ് മരിച്ചത്. കൊവിഡ് ബാധിച്ച് അബൂദാബി ക്ലേവ് ലാൻ്റ് ആശുപത്രിയിൽ ചികിത്സയിലായിരിക്കെയാണ് മരിച്ചത്. അബുദാബി, അൽ-അയിൻ, ബിൻ ഹാം ഗ്രൂപ്പിൽ കഴിഞ്ഞ 20 വർഷമായി ജോലി ചെയ്യുകയാണ്. മാജിദാ ബീവിയാണ് ഭാര്യ. സുഹൈൽ, സാദിഖ്, സമീഹ എന്നിവർ മക്കളാണ്. ആഴ്ചകളായി രോഗ ബാധിതനായ സാദിഖ് ആദ്യം അൽ-അയിനിൽ ചികിത്സയിലായിരുന്നു. രോഗം കടുത്തതോടെ അബൂദാബി ക്ലേവ് ലാൻ്റ് ആശുപത്രിയിൽ പ്രവേശിപ്പിക്കുകയായിരുന്നു. ഇന്നലെ പുലർച്ചെയോടെ മരണം സംഭവിക്കുകയായിരുന്നു. മോർച്ചറിയിൽ സൂക്ഷിച്ചിരിക്കുന്ന മൃതദേഹം നാളെ അബുദാബിയിൽ മറവ് ചെയ്യും.