News Details

ശ്രീകാര്യം: വാഹന പരിശോധനക്കിടയിൽ മൂവർ സംഘം സഞ്ചരിച്ചിരുന്ന ബൈക്കിടിച്ച് സി.ഐക്ക് പരിക്കേറ്റു. ബൈക്കു യാത്രികനായ ഒരാളെ പോലീസ് പിടികൂടി. 2 പേർ ഓടി രക്ഷപ്പെട്ടു. ശ്രീകാര്യം സർക്കിൾ ഇൻസ്പെക്ടർ അഭിലാഷ് ഡേവിഡിനാണ് അപകടത്തിൽ പരിക്കേറ്റത്. ഇന്നലെ (തിങ്കളാഴ്ച്ച) വൈകുന്നേേരം 6.30 മണിയോടെ പൗഡിക്കോണത്തിന് സമീപം മുക്കിക്കടയിൽ വച്ചായിരുന്നു സംഭവം. സി.ഐയെ ഇടിച്ചിട്ട ബൈക്കിലുണ്ടായിരുന്ന ചന്തവിള പണയിൽ വീട്ടിൽ അരവിന്ദ് (25)നെയാണ് പോലീസ് പിടികൂടിയത്. കൂടെ ഉണ്ടായിരുന്ന ചന്തവിള സ്വദേശികളായ വിഷ്ണു, ശ്രീജിത്ത് എന്നിവരാണ് ഓടി രക്ഷപ്പെട്ടത്. കാലിന് പരിക്കേറ്റ സർക്കിൾ ഇൻസ്പെക്ടർ അഭിലാഷ് ഡേവിഡിനെ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.