News Details

വാമനപുരം: 1.100 കി.ഗ്രാം കഞ്ചാവുമായി യുവാവ് പിടിയിലായി. കഴക്കുന്ന്, ആട്ടുകാൽ, നെടുമ്പയിൽ തടത്തരികത്തു വീട്ടിൽ സദ്ദാം ഹുസൈൻ (26)നെ ആണ് പനവൂർ റേഞ്ച് എക്സൈസ് ഇൻസ്പെക്ടർ ഷമീർ ഖാനും സംഘവും ചേർന്ന് പിടികൂടിയത്. വ്യാഴാഴ്ച (25.07.19) രാത്രി 9 മണിക്ക് പനവൂർ വില്ലേജിൽ പെട്ട ആട്ടുകാൽ കഴക്കുന്ന് എന്ന സ്ഥലത്ത് നിന്നും കഞ്ചാവുമായി പിടികൂടുകയായിരുന്നു. ഇയാൾക്കെതിരെ കേസ് എടുത്തു. ആട്ടുകാൽ കഴക്കുന്ന് പ്രദേശം കേന്ദ്രീകരിച്ചു കഞ്ചാവ് വില്പന നടത്തുന്നതായി ലഭിച്ച രഹസ്യ വിവരം ലഭിച്ചിരുന്നു. ഇതിന്റെ അടിസ്ഥാനത്തിൽ നടത്തിയ റെയ്ഡിലാണ് പ്രതിയെ പിടി കൂടാൻ കഴിഞ്ഞതെന്നും ഇയാളെ ഇതിനു മുൻപും വാമനപുരം റേഞ്ചിൽ കഞ്ചാവുമായി പിടികൂടി കേസ് എടുത്തിട്ടുണ്ടെന്നും പോലീസ് പറഞ്ഞു. റെയ്ഡിൽ പ്രിവന്റീവ് ഓഫീസർമാരായ സുദർശനൻ, പീതാംബരൻ പിള്ള, സുരേഷ് കുമാർ, സിവിൽ എക്സൈസ് ഓഫീസർ പ്രവീൺ കുമാർ എന്നിവർ പങ്കെടുത്തു. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.