News Details

കഴക്കൂട്ടം: 1.180 കി.ഗ്രാം കഞ്ചാവും, 2.3403 ഗ്രാം എം.ഡി.എം.എയുമായി രണ്ടു യുവാക്കൾ പിടിയിലായി. ശാർക്കര കൂന്തള്ളൂർ വലിയചിറ എ.എസ് ഭവനിൽ വിനീഷ് (24), കീഴുവിള, ആളൂർ, ചരുവിള വീട്ടിൽ അജിത് (27) എന്നിവരാണ് തിരുവനന്തപുരം എക്സൈസ് എൻഫോഴ്സ്മെന്റ് ആൻ്റ് ആന്റി നാർക്കോട്ടിക് സ്പെഷ്യൽ സ്ക്വാഡിന്റെ പിടിയിലായത്. കഞ്ചാവ് കടത്താൻ ഉപയോഗിച്ച കെ.എൽ 16 ഡബ്ല്യു 2469 ഹോണ്ട ഡിയോ സ്കൂട്ടർ, എം.ഡി.എം.എ കടത്താൻ ഉപയോഗിച്ച ബജാജ് പൾസർ എന്നിവയും പിടിച്ചെടുത്തിട്ടുണ്ട്. എക്സൈസ് ഇൻസ്പെക്ടർ റ്റി.ആർ.മുകേഷ് കുമാറിന്റെ നേതൃത്വത്തിൽ പി.ഒമാരായ എസ്.മധുസൂദനൻ നായർ, ഷൈജു, ഹരി കുമാർ, സി.ഇ.ഒമാരായ സുബിൻ, രാജേഷ്, ഷംനാദ്, ജിതേഷ്, ശ്രീലാൽ, ഡ്രൈവർ ജയകൃഷ്ണൻ എന്നിവർ എക്സൈസ് സംഘത്തിൽ ഉണ്ടായിരുന്നു.