News Details

മലപ്പുറം: മലപ്പുറം, കോട്ടയ്ക്കൽ, പുത്തൂർ ഭാഗത്ത് അടഞ്ഞ് കിടന്ന കടമുറിക്കുള്ളിലും സമീപത്തായി പൂട്ടിയിട്ടിരുന്ന വീട്ടിലുമായി സൂക്ഷിച്ചിരുന്ന കഞ്ചാവ് പിടികൂടി. സ്റ്റേറ്റ് എക്സൈസ് എൻഫോഴ്സ്മെന്റ് സ്ക്വാഡ് നടത്തിയ പരിശോധനയിലാണ് 120 കിലോയോളം കഞ്ചാവ് പിടികൂടിയത്. സ്റ്റേറ്റ് എക്സൈസ് എൻഫോഴ്സ്മെന്റ് സ്ക്വാഡ് തലവൻ എക്സൈസ് സർക്കിൾ ഇൻസ്പെക്ടർ ടി.അനി കുമാറിന്റെ നേതൃത്വത്തിൽ സർക്കിൾ ഇൻസ്പെക്ടർ ജി.കൃഷ്ണകുമാർ, എക്സൈസ് ഇൻസ്പെക്ടർമാരായ റ്റി.ആർ.മുകേഷ് കുമാർ, എസ്.മധുസൂധനൻ നായർ, പ്രിവൻ്റീവ് ഓഫീസർ മുസ്തഫ ചോലയിൽ, സിവിൽ എക്സൈസ് ഓഫീസർമാരായ കെ.മുഹമ്മദ് അലി, പി.സുബിൻ, എസ്.ഷംനാദ്, ആർ.രാജേഷ്, അഖിൽ, ബസന്ത് കുമാർ, എക്സൈസ് ഡ്രൈവറായ കെ.രാജീവ് എന്നിവരടങ്ങിയ സംഘമാണ് കഞ്ചാവ് പിടികൂടിയത്. പിടികൂടിയ കഞ്ചാവിന് അര കോടിയിലധികം രൂപ വില വരുമെന്ന് എക്സൈസ് സർക്കിൾ ഇൻസ്പെക്ടർ ടി.അനി കുമാർ അറിയിച്ചു. പിടിച്ചെടുത്ത കഞ്ചാവ് തുടർ നടപടികൾക്കായി പരപ്പനങ്ങാടി എക്സൈസ് ഇൻസ്പെക്ടർ സാബു.ആർ.ചന്ദ്രയ്ക്കും പ്രിവന്റീവ് ഓഫീസർ പ്രജോഷിനും സംഘത്തിനും കൈമാറി.