News Details

പാലക്കാട് ആലത്തൂർ, വടക്കാഞ്ചേരി സർവീസ് റോഡിൽ വൻ കഞ്ചാവ് വേട്ട. 2 പേർ പിടിയിലായി. സ്റ്റേറ്റ് എക്സൈസ് എൻഫോഴ്സ്മെന്റ് സ്ക്വാഡ് തലവൻ റ്റി.അനി കുമാറിന് ലഭിച്ച രഹസ്യ വിവരത്തിന്റെ അടിസ്ഥാനത്തിൽ നടത്തിയ പരിശോധനയിലാണ് കഞ്ചാവ് പിടികൂടിയത്.ചെടി ലോഡിന്റെ മറവിൽ കെ.എൽ 09 എ.എസ് 3031 എന്ന നമ്പറിലുള്ള നാഷണൽ പെർമിറ്റ് ടോറസ് ലോറിയിൽ കടത്തിക്കൊണ്ടു വന്ന 60 കിലോയിലധികം കഞ്ചാവാണ് പിടികൂടിയത്. വാഹനത്തിലുണ്ടായിരുന്ന തൃശ്ശൂർ ചാലക്കുടി സ്വദേശി സുനു ആന്റണി (28), വയനാട് പുൽപ്പള്ളി സ്വദേശി നിഖിൽ (28), എന്നിവരെയാണ് പിടികൂടിയത്.സ്റ്റേറ്റ് എക്സൈസ് എൻഫോഴ്സ്മെന്റ് സ്ക്വാഡിന്റെ സംഘത്തലവനായ സർക്കിൾ ഇൻസ്പെക്ടർ ടി.അനികുമാർ, സർക്കിൾ ഇൻസ്പെക്ടർ ജി.കൃഷ്ണ കുമാർ, എക്സൈസ് ഇൻസ്പെക്ടർമാരായ കെ.വി.വിനോദ്, ടി.ആർ.മുകേഷ് കുമാർ, എസ്.മധുസൂദനൻ നായർ, സി.സെന്തിൽ കുമാർ, ഗ്രേഡ് പ്രിവന്റീവ് ഓഫീസർ മുസ്തഫ ചോലയിൽ, സിവിൽ എക്സൈസ് ഓഫീസർമാരായ വിശാഖ്, പി.സുബിൻ, എസ്.ഷംനാദ്, ആർ.രാജേഷ് എം.എം.അരുൺ കുമാർ, ബസന്ത് കുമാർ,സി.എൻ.അഖിൽ, മുഹമ്മദ്അലി, എക്സൈസ് ഡ്രൈവർ രാജീവ് എന്നിവർ ഉൾപ്പെട്ട എക്സൈസ് സംഘമാണ് കഞ്ചാവ് വേട്ട നടത്തിയത്. തുടർ നടപടികൾക്കായി പ്രതികളെയും കഞ്ചാവും ലോറിയും ആലത്തൂർ സർക്കിൾ സംഘത്തിന് കൈമാറിയിട്ടുണ്ട്.