News Details

തിരുവനന്തപുരം: സംസ്ഥാനത്ത് സ്കൂളുകൾ തുറക്കുന്നതിനുള്ള മാർഗരേഖയായി. ഒന്നു മുതൽ ഏഴു വരെയുള്ള ക്ലാസ്സിൽ ഒരു ബെഞ്ചിൽ ഒരു കുട്ടിയെ മാത്രമേ ഇരുത്താവൂ.എൽ പി തലത്തിൽ ഒരു ക്ലാസിൽ പത്ത് കുട്ടികളെ വരെ ഒരു സമയം ഇരുത്താം.ബാച്ചുകളായി തിരിച്ചാകും ക്ലാസുകൾ.ബാച്ചുകളുടെ എണ്ണം കൂടുതൽ കുട്ടികൾ ഉള്ള സ്കൂളുകൾക്ക് സ്വയം തീരുമാനിക്കം. എന്നാൽ അകലം പാലിക്കൽ നിർബന്ധമാണ്. മാസ്കുകൾ ക്ലാസ് ടീച്ചർമാർ തന്നെ ഉറപ്പ് വരുത്തണം. രോഗലക്ഷണങ്ങൾ ഉള്ള കുട്ടികളോ ലക്ഷണങ്ങൾ ഉള്ളവർ വീടുകളിൽ ഉള്ളവരോ സ്കൂളിൽ വരരുതെന്നും നിർദ്ദേശമുണ്ട്. ഉച്ചഭക്ഷണം സ്കൂളിൽ കൊണ്ടുവരാനോ സ്കൂളിൽ പാചകം ചെയ്യാനോ ആദ്യ ഘട്ടത്തിൽ അനുവാദം ഇല്ല. സാഹചര്യങ്ങൾ വിലയിരുത്തിയ ശേഷം ഉച്ചഭക്ഷണ വിതരണം പിന്നീട് പരിഗണിക്കും.ആരോഗ്യ,വിദ്യാഭ്യാസ വകുപ്പുകൾ സംയുക്തമായി തയ്യാറാക്കിയ മാർഗരേഖ മുഖ്യമന്ത്രിക്ക് കൈമാറും. അന്തിമ മാർഗരേഖ നാളെ പുറത്തിറക്കിയേക്കും. വിവിധ മേഖലയിലുള്ള വ്യത്യസ്ത സംഘടനകളുമായും ഉദ്യോഗസ്ഥരുമായും ദിവസങ്ങൾ നീണ്ട ചർച്ചകൾക്കൊടുവിലാണ് മാർഗരേഖ തയ്യാറാക്കിയത്.