കഴക്കൂട്ടം: പുത്തൻതോപ്പ് ഹെൽത്ത് സൂപ്പർവൈസർ സുധൻ.എസ്.നായരുടെ നേതൃത്വത്തിൽ പോത്തൻകോട്ടും പരിസര പ്രദേശങ്ങളിലുമുള്ള ഹോട്ടലുകളിലും ബേക്കറികളിലും പരിശോധന നടത്തി. പഴകിയ ഭക്ഷണ വസ്തുക്കൾ പിടിച്ചെടുത്തു. വാവറ അമ്പലത്തെ അറേബ്യൻ ഹോട്ടൽ അറിയിപ്പ് ഉണ്ടാകുന്നതുവരെ പൂട്ടാനും നിർദ്ദേശം നൽകിയതായി ഹെൽത്ത് ഇൻസ്പെക്ടർ അറിയിച്ചു. കൂടാതെ ചില കടകളിൽ പിഴ ഈടാക്കിയിട്ടുണ്ട്. 18 വയസിൽ താഴെയുള്ളവർക്ക് പുകയില ഉൽപ്പന്നങ്ങൾ നൽകരുതെന്ന മുന്നറിയിപ്പ് ഇല്ലാത്ത കടകൾക്ക് 200 രൂപ പിഴ ചുമത്തിയിട്ടുണ്ട്. എന്നാൽ മുൻപ് പരിശോധന നടത്തിയ ചില സ്ഥാപനങ്ങളിൽ ഇപ്പോൾ നില മെച്ചപ്പെട്ടിട്ടുണ്ടെന്നും ഹെൽത്ത് ഇൻസ്പെക്ടർ പറഞ്ഞു. തോന്നയ്ക്കൽ, അണ്ടൂർക്കോണം, മംഗലപുരം, വേളി, പുതുക്കുറിച്ചി എന്നീ ആശുപത്രികളിലെ ഹെൽത്ത് ഇൻസ്പെക്ടർമാർ ജൂനിയർ ഹെൽത്ത് ഇൻസ്പെക്ടർമാർ അടക്കം ഇരുപത് ഉദ്യോഗസ്ഥർ പരിശോധനയിൽ പങ്കെടുത്തു. പരിശോധന തുടരുമെന്ന് ഹെൽത്ത് ഇൻസ്പെക്ടർ അറിയിച്ചു.
പോത്തൻകോട്ടും പരിസര പ്രദേശങ്ങളിലുമുള്ള ഹോട്ടലുകളിലും ബേക്കറികളിലും പരിശോധന. പഴകിയ ഭക്ഷണ വസ്തുക്കൾ പിടിച്ചെടുത്തു.
_1733564449_4791.png)
_1665903586_4727.png)
0 Comments