News Details

കഴക്കൂട്ടം: ആമ്പല്ലൂർ പാടശേഖരത്തിൽ നെൽകൃഷിക്കായി കൊണ്ടു വന്ന ട്രാക്ടറുകളിൽ നിന്നും മോഷണം പോയ ബാറ്ററികൾ കണ്ടെത്തി. വ്യാഴാഴ്ച വൈകുന്നേരം 6 മണിയോടു കൂടി നടത്തിയ തെരച്ചിലിൽ തൊട്ടടുത്തുള്ള പൊന്തക്കാട്ടിൽ നിന്നും കണ്ടെത്തുകയായിരുന്നു. അസിസ്റ്റൻറ് കൃഷി ഓഫീസർ ജോഷിയും, അഗ്രോ സർവ്വീസിലെ വിജയനും ചേർന്ന് നടത്തിയ തെരച്ചിലിനൊടുവിലാണ് ബാറ്ററികൾ കണ്ടെത്തിയത്. വ്യാഴാഴ്ച രാവിലെയാണ് പാടശേഖരത്തിൽ നെൽകൃഷിക്കായി കൊണ്ടു വന്ന 2 ട്രാക്ടറുകളിലെ ബാറ്ററികൾ മോഷണം പോയതായി കഴക്കൂട്ടം പോലീസിൻ പരാതി നൽകിയത്.ഒരാഴ്ചയായി പാടം ഉഴുതു കൊണ്ടിരിക്കുകയായിരുന്നു. പണി കഴിഞ്ഞ ശേഷം രാത്രി റോഡിനോട് ചേർന്നുള്ള പാടത്തിന് സമീപമാണ് ട്രാക്ടർ ഇട്ടിരിക്കുകയാണ് പതിവ്. എന്നാൽ വ്യാഴാഴ്ച രാവിലെ ജീവനക്കാർ പണിക്കായി എത്തിൽപ്പോൾ ബാറ്ററി ഇളക്കി മാറ്റിയതായി കാണുകയായിരുന്നു. കഴക്കൂട്ടം അഗ്രോ സർവീസ് സെന്ററാണ് കഴക്കൂട്ടം പോലീസിൽ ഇതു സംബന്ധിച്ച പരാതി നൽകിയത്. കാലങ്ങളായി ആമ്പല്ലൂരിൽ തരിശായി കിടന്ന പാടശേഖരം കൃഷിക്ക് ഉപയോഗിക്കുന്നതിനെ ചൊല്ലി പാടശേഖര സമിതിയും ഭൂഉടമകളും തമ്മിൽ നേരത്തെ തർക്കം നില നിൽക്കുകയായിരുന്നു.