News Details

കഴക്കൂട്ടം: എൺപത്തി ഏഴാം ശിവഗിരി തീർത്ഥാടനത്തോടനുബന്ധിച്ച് ചെമ്പഴന്തി ശ്രീനാരായണ ഗുരുകുലത്തിൽ ഗുരുദേവ സാഹിത്യ സംബന്ധമായ പുസ്തകങ്ങളുടെ പ്രദർശനം നഗരസഭാ മേയർ കെ.ശ്രീകുമാർ ഉദ്ഘാടനം ചെയ്യും. നാളെ രാവിലെ 9.30ന് നടക്കുന്ന ചടങ്ങിൽ ഗുരുകുലം സെക്രട്ടറി സ്വാമി ശുഭാംഗാനന്ദ അദ്ധ്യക്ഷനായിരിക്കും. നഗരസഭ സ്റ്റാന്റിംഗ് കമ്മിറ്റി ചെയർമാൻ സി.സുദർശനൻ, കൗൺസിലർ കെ.എസ്.ഷീല എന്നിവർ സംബന്ധിക്കും. ശ്രീനാരായണ ഗുരുവിന്റെ ജീവിതത്തെയും ദർശനത്തെയും കൃതികളെയും സംബന്ധിച്ച് ശിവഗിരി മഠം ഉൾപ്പെടെ വിവിധ പ്രസിദ്ധീകരണ ശാലകളുടെ ബൃഹത്തായ പുസ്തക ശേഖരമാണ് ഒരുക്കിയിട്ടുള്ളത്. പുസ്തക പ്രദർശനവും വില്പനയും ജനുവരി 5 വരെ തുടരുമെന്ന് സ്വാമി ശുഭാംഗാനന്ദ അറിയിച്ചു.