News Details

കഴക്കൂട്ടം: കേരള സർവ്വകലാശാല കോളേജ് യൂണിയൻ തെരഞ്ഞെടുപ്പിൽ തുമ്പ സെൻറ് സേവിയേഴ്സ് കോളേജിൽ തുടർച്ചയായ രണ്ടാം വർഷവും എസ്.എഫ്.ഐ യൂണിയൻ പിടിച്ചെടുത്തു. മത്സരിച്ച മിക്ക സീറ്റുകളിലും ഏറ്റവും നല്ല ഭൂരിപക്ഷത്തിലാണ് എസ്.എഫ്.ഐ സ്ഥാനാർഥികൾ വിജയിച്ചത്. ആകെ 13 യൂണിയൻ ഭാരവാഹിത്വത്തിൽ മത്സരിച്ച 9 സീറ്റിലും എസ്.എഫ്.ഐ വിജയിച്ചു. ആർട്സ് ക്ലബ് സെക്രട്ടറി, മൂന്നാം വർഷ പ്രതിനിധി, പി.ജി പ്രതിനിധി, വനിതാ പ്രതിനിധി സ്ഥാനങ്ങളിലേയ്ക്കു നടന്ന മത്സരത്തിൽ കെ.എസ്.യു വിജയിച്ചു. എ.ഐ.എസ്.എഫിന് സീറ്റൊന്നും ലഭിച്ചില്ല. ഇത്തവണ എ.ബി.വി.പി മത്സര രംഗത്ത് ഉണ്ടായിരുന്നില്ല.