News Details

നെടുമങ്ങാട്: നെടുമങ്ങാട്ട് കോഴി ഫാമിൽ ഒളിപ്പിച്ച് സൂക്ഷിച്ചിരുന്ന കഞ്ചാവുമായി മുഖ്യ സൂത്രധാരൻ അറസ്റ്റിലായി.സ്റ്റേറ്റ് എക്സൈസ് എൻഫോഴ്സ്മെന്റ് സ്ക്വാഡ് സർക്കിൽ ഇൻസ്പെക്ടർ ടി അനികുമാറിന് ലഭിച്ച രഹസ്യ വിവരത്തെ തുടർന്ന് നടത്തിയ തെരച്ചിലിലാണ് കഞ്ചാവ് കണ്ടെത്തിയത്.നെടുമങ്ങാട്, നെല്ലനാട്, മണലിമുക്ക് ഭാഗത്തുള്ള കോഴി ഫാമിൽ,മരപ്പൊടിയാണെന്ന് പറഞ്ഞു ഉടമയെ കബളിപ്പിച്ചു ചാക്കുകളിൽ ഒളിപ്പിച്ച് സൂക്ഷിച്ചിരുന്ന 60 കിലോയോളം കഞ്ചാവു കണ്ടെത്തിയതോടൊപ്പം ഒന്നാം പ്രതിയും മുഖ്യ സൂത്രധാരനുമായ നെടുമങ്ങാട്, അഴിക്കോട്, കരിമരക്കോട് സ്വദേശിയായ അക്ബർഷായെയാണ് അറസ്റ്റ് ചെയ്തത്. സ്റ്റേറ്റ് എക്സൈസ് എൻഫോഴ്സ്മെന്റ് സ്ക്വാഡ് തലവനായ സർക്കിൾ ഇൻസ്പെക്ടർ ടി.അനി കുമാറിൻ്റെ നേതൃത്വത്തിൽ സർക്കിൾ ഇൻസ്പെക്ടർ ജി.കൃഷ്ണകുമാർ എക്സൈസ് ഇൻസ്പെക്ടർമാരായ ടി.ആർ.മുകേഷ് കുമാർ, കെ.വി.വിനോദ്, ആർ.ജി.രാജേഷ്, എസ്.മധുസൂദൻ നായർ, സിവിൽ എക്സൈസ് ഓഫീസർമാരായ പി.സുബിൻ, വിശാഖ്, ഷംനാദ്, രാജേഷ് എന്നിവരടങ്ങിയ സംഘമാണ് റെയ്ഡിൽ പങ്കെടുത്തത്.