News Details

ചിറയിൻകീഴ്: ചിറയിൻകീഴ് പുരവൂർ ജംഗ്ഷനിൽ സ്വകാര്യ ബസ് മതിലിലേക്ക് ഇടിച്ചു കയറി. ബസ് ഡ്രൈവർ ഉൾപ്പെടെ നിരവധി പേർക്ക് പരിക്കേറ്റു. ഇന്ന് രാവിലെ 7.30നാണ് അപകടമുണ്ടായത്. മടത്തറ, ചിറയിൻകീഴ് റൂട്ടിൽ ഓടുന്ന കെ.എം.എസ്സ് എന്ന ബസ്സാണ് അപകടത്തിൽപെട്ടത്. മടത്തറയിൽ നിന്ന് യാത്രക്കാരെ കയറ്റി ആറ്റിങ്ങലിൽ വന്ന് ചിറയിൻകീഴിലേക്ക് പോകുമ്പോഴാണ് അപകടമുണ്ടായത്. കെ.എം.എസ്സ് ബസ്സിന് തൊട്ട് മുന്നിലൂടെ പോയ കെ.എസ്.ആർ.ടി.സി വേണാട് ബസ് പെട്ടെന്ന് ബ്രേക്ക് ചവിട്ടി നിർത്തിയപ്പോൾ മുൻപിലെ ബസിലേക്ക് ഇടിക്കാതെ ബസ് നിർത്താൻ നോക്കിയതാണ് സമീപത്തെ മതിലിലേക്ക് ഇടിച്ചു കയറിയതെന്ന് ദൃക്സാക്ഷികൾ പറയുന്നു. അപകടത്തിൽ പരിക്കേറ്റവരെ ഉടനെ തന്നെ ആശുപത്രിയിൽ പ്രവേശിപ്പിച്ചു. അപകടം നിമിത്തം ഏറെ നേരം ഗതാഗതം തടസ്സപ്പെട്ടു.