News Details

തിരുവനന്തപുരം : ജനാധിപത്യ കലാ സാഹിത്യ വേദി തിരുവനന്തപുരം ജില്ലാ കമ്മറ്റിയുടെ ആഭിമുഖ്യത്തിൽ മുൻ പ്രധാനമന്ത്രി രാജീവ് ഗാന്ധിയുടെ ജൻമദിനമായ ഓഗസ്റ്റ് 20 ന് സദ്ഭാവന ദിനാചരണം നടത്തി. തിരുവനന്തപുരം ജനറലാശുപത്രിക്ക് സമീപമുള്ള ഐക്കഫ് സെന്ററിൽ വച്ച് നടന്ന സമ്മേളനം അഡ്വ.റ്റി.ശരത്ചന്ദ്രപ്രസാദ് Ex. MLA ഉദ്ഘാടനം ചെയ്തു. ജില്ലാ ചെയർമാൻ കരിച്ചാറ നാദിർഷ അദ്ധ്യക്ഷനായി.

ജ.ക.സ വേദി സംസ്ഥാന ചെയർമാൻ കുന്നത്തൂർ ജെ.പ്രകാശ് മുഖ്യപ്രഭാഷണം നടത്തി. ഡോ.എം.ആർ തമ്പാൻ സദ്ഭാവന ദിന സന്ദേശം നൽകി. സംസ്ഥാന സെക്രട്ടറി സഹദേവൻ കോട്ടവിള ആശംസകളർപ്പിച്ചു.

കുന്നത്തൂർ ജെ.പ്രകാശ് രചിച്ച് കെ.സി രമ സംഗീതവും ആലാപനവും നടത്തിയ ചലച്ചിത്ര ഗാനത്തിന്റെ ഓഡിയോ ലോഞ്ചിംഗ് നടത്തി.

സമ്മേളനത്തിൽ അഡ്വ.കാട്ടാക്കട അനിൽ , അജിൽ മണിമുത്ത് എന്നിവരെ ആദരിച്ചു. വിവിധ രംഗങ്ങളിൽ പ്രതിഭകളായ സി.ജെ മാത്യൂസ് ശങ്കരത്തിൽ, ഷിബു ഷൈൻ വി.സി, ഷെമീർ കണിയാപുരം, ടി.ഡി.ചന്ദ്രകുമാർ , എം.എച്ച് സുലൈമാൻ , ഡോ.എം.എസ്.ശ്രീലാറാണി, രജനി, അജനാസ്, വില്യം ശാമുവൽ എന്നിവർക്ക് സദ്ഭാവനാ പുരസ്കാരം നൽകി.

ബാല പ്രതിഭകളായ സഫിയ ഷാനവാസ്, അൽസഫ് സുലൈമാൻ, കാർത്തിക്.എ.എസ് , അഭിരാം.എ.എസ് എന്നിവരെ അനുമോദിച്ചു. സമ്മേളത്തിന് മുന്നോടിയായി സദാശിവൻ പൂവത്തൂരിന്റെ നേതൃത്വത്തിൽ കവിയരങ്ങ് നടന്നു. അനിൽ നെടുങ്ങോട്, നെടുമങ്ങാട് മോഹനചന്ദ്രൻ, രവി മടവൂർ , ഡോ.എം.എസ്. ശ്രീലാ റാണി, വൈശാഖ് , സഫിയ ഷാനവാസ് എന്നിവർ കവിതകളവതരിപ്പിച്ചു. ജില്ലാ സെക്രട്ടറിമാരായ പ്രിയാ ജോൺ സ്വാഗതവും പി.കെ. ശ്രീദേവി നന്ദിയും പറഞ്ഞു.