News Details

<p> കഴക്കൂട്ടം: കഠിനംകുളത്ത് ബൈക്കുകൾ കൂട്ടിയിടിച്ച് യുവാവ് മരിച്ചു.</p> <div>കഠിനംകുളം, പുതുവൽ കോളനിയിൽ, അമ്മ വീട്ടിൽ പ്രഭുലൻ, ശൈലജ ദമ്പതികളുടെ മകൻ പ്രതീഷ് (27) ആണ് മരിച്ചത്. ഗുരുതര പരിക്കേറ്റ കഠിനംകുളം പുതുവൽ കോളനി സ്വദേശിയായ സജി എന്ന അൽഫോൻസൻ (25)നെ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. ഇന്നലെ രാത്രി 10 മണിയോടെ </div> <div>കഠിനംകുളം പുതുവൽ റോഡിൽ സി.എസ്.ഐ ദേവാലയത്തിന് സമീപത്താണ് അപകടമുണ്ടായത്.</div> <div>സുഹൃത്തുക്കളായ പ്രതീഷും, സജിയും അമിത വേഗത്തിൽ രണ്ട് ബൈക്കുകളിലായി പോകുന്നതിനിടെ കൂട്ടിയിടിക്കുകയായിരുന്നു. അപകടത്തിൽ പ്രതീഷ് ബൈക്കിൽ നിന്നും തെറിച്ച് തല പോസ്റ്റിലിടിച്ച് വീഴുകയായിരുന്നു. ഇരുവരേയും മെഡിക്കൽ കോളേജ് ആശുപത്രിയിൽ എത്തിച്ചെങ്കിലും പ്രതീഷിന്റെ ജീവൻ രക്ഷിയ്ക്കാനായില്ല.</div> <div>മൃതദേഹം മെഡിക്കൽ കോളേജ് ആശുപത്രി മോർച്ചറിയിൽ.</div>