News Details

കഴക്കൂട്ടം: കൂട്ടുകാർക്കൊപ്പം ക്ഷേത്രക്കുളത്തിൽ കുളിക്കാനിറങ്ങിയ യുവാവ് മുങ്ങി മരിച്ചു. ചന്തവിള പാട്ടുവിളാകം മോഹനത്തിൽ മോഹനന്റെ മകൻ ശരത്ത് മോഹൻ (27) ആണ് മരിച്ചത്. ഇന്നലെ വൈകിട്ട് മൂന്നര മണിയോടെയാണ് കൂട്ടുകാരായ പ്രകാശൻ, ജിറിൻ എന്നിവരോടൊപ്പം ശരത്ത് മോഹൻ അണ്ടൂർക്കോണം തൃജോതിപുരം ക്ഷേത്രത്തിനടുത്തെ കോതകുളത്തിൽ കുളിക്കാനിറങ്ങിയത്. മൂവരും നീന്തുന്നതിനിടയിൽ ശരത്ത്മോഹൻ മുങ്ങി താഴുകയായിരുന്നു. ഒപ്പമുണ്ടായിരുന്നവർ അറിയിച്ചതിനെ തുടർന്ന് എത്തിയ സമീപവാസികൾ രക്ഷിക്കാൻ ശ്രമം നടത്തിയെങ്ങിലും രക്ഷിക്കാൻ കഴിഞ്ഞില്ല. തുടർന്ന് കഴക്കൂട്ടം ഫയർ ഫോഴ്സ് എത്തിയാണ് മൃതദേഹം കരയ്ക്കെടുത്തത്. ഡിഗ്രി കഴിഞ്ഞു പെയിൻ്റിംഗ് ജോലിക്ക് പോകുകയായിരുന്നു ശരത്ത്. നേരെത്ത ചന്തവിളയിലും കണിയാപുരത്തുമുള്ള രണ്ടു പേർ ഈ കുളത്തിൽ മുങ്ങി മരിച്ചിട്ടുണ്ട്. അമ്മ ഷീല, സഹോദരി ശരണ്യ.