കഴക്കൂട്ടം: കഴക്കൂട്ടം മുതൽ കിഴക്കേക്കോട്ട വരെയുള്ള തിരുവനന്തപുരം മെട്രോ അലൈന്മെന്റിന്റെ അന്തിമ രൂപരേഖയ്ക്ക് ഈ മാസം അവസാനത്തോടെ സംസ്ഥാന സര്ക്കാര് അംഗീകാരം നല്കിയേക്കും. ഇക്കാര്യത്തില്, വ്യത്യസ്ത അലൈന്മെന്റ് നിര്ദ്ദേശങ്ങള് സമര്പ്പിച്ചിട്ടുണ്ടെന്ന് കൊച്ചി മെട്രോ റെയില് ലിമിറ്റഡ് (കെഎംആര്എല്) മാനേജിംഗ് ഡയറക്ടര് ലോക്നാഥ് ബെഹ്റ പറഞ്ഞു.
അലൈന്മെന്റ് തീരുമാനിച്ചു കഴിഞ്ഞാല്, പദ്ധതി കേന്ദ്ര സര്ക്കാരിന് അയയ്ക്കുന്നതിന് മുമ്പ് കെഎംആര്എല് വിശദമായ റിപ്പോര്ട്ട് തയ്യാറാക്കി മന്ത്രിസഭയുടെ അംഗീകാരത്തിനായി അയയ്ക്കും. എന്തെങ്കിലും മാറ്റം ഉണ്ടായാല്, പദ്ധതി നിര്വ്വഹണ ഏജന്സിക്ക് ആവശ്യമായ മാറ്റങ്ങള് വരുത്താന് വീണ്ടും മാസങ്ങള് വേണ്ടി വന്നേക്കുമെന്നും ബെഹ്റ വ്യക്തമാക്കി.
അലൈന്മെന്റ് നിര്ദ്ദേശങ്ങളില് ഡല്ഹി മെട്രോ റെയില് ലിമിറ്റഡ് തയ്യാറാക്കിയതും ഉള്പ്പെടുന്നു. അത് പൂര്ണ്ണമായും സാങ്കേതിക അടിസ്ഥാനത്തിലാണ്. ലഭിച്ചിട്ടുള്ള നിര്ദേശങ്ങളില് ഏറ്റവും അനുയോജ്യമായ അലൈന്മെന്റ് ഏതാണെന്ന് സര്ക്കാര് പരിശോധിച്ചു വരികയാണ്. ഈ മാസം അവസാനത്തോടെ അന്തിമ തീരുമാനം ഉണ്ടാകുമെന്നാണ് പ്രതീക്ഷിക്കുന്നത് എന്നും ബെഹ്റ പറഞ്ഞു.
ഒന്നിലധികം ഓപ്ഷനുകള് തയ്യാറാക്കിയിട്ടുണ്ടെങ്കിലും, എല്ലാം ടെക്നോപാര്ക്ക് കേന്ദ്രീകരിച്ചാണ് കടന്നുപോകുന്നത്. കഴക്കൂട്ടത്ത് നിന്ന് ആരംഭിച്ച് കിഴക്കേക്കോട്ട വരെ നീളുന്ന അലൈന്മെന്റാണ് സംസ്ഥാന സര്ക്കാരിന് താല്പ്പര്യം. നിര്ദേശിക്കപ്പെട്ട അലൈന്മെന്റുകളില് മറ്റൊന്ന് ശ്രീകാര്യം, മെഡിക്കല് കോളജ്, പിഎംജി വഴിയാണെങ്കിൽ, മറ്റൊന്ന് പട്ടം ജംഗ്ഷൻ വഴിയാണ് കടന്നു പോകുന്നത്.
കഴക്കൂട്ടത്ത് നിന്ന് ആരംഭിച്ച് കിഴക്കേക്കോട്ട വരെ നീളുന്ന അലൈന്മെന്റാണ് സംസ്ഥാന സര്ക്കാരിന് താല്പ്പര്യം. നിര്ദേശിക്കപ്പെട്ട അലൈന്മെന്റുകളില് മറ്റൊന്ന് ശ്രീകാര്യം, മെഡിക്കല് കോളജ്, പിഎംജി വഴിയാണെങ്കിൽ, മറ്റൊന്ന് പട്ടം ജംഗ്ഷൻ വഴിയാണ് കടന്നു പോകുന്നത്.
_1733564449_4791.png)
_1665903586_4727.png)
0 Comments