News Details

മംഗലപുരം: മംഗലപുരം ഗ്രാമപഞ്ചായത്ത് ആരംഭിച്ച് പ്രവർത്തിച്ചു വരുന്ന കമ്മ്യുണിറ്റി കിച്ചണുകൾക്കു മംഗലപുരം പോലീസിന്റെ കൈത്താങ്ങ്. മംഗലപുരം ഗ്രാമപഞ്ചായത്ത് മംഗലപുരത്തും മുരുക്കുംപുഴയിലും ആരംഭിച്ച കമ്മ്യുണിറ്റി കിച്ചണുകൾക്കായാണ് മംഗലപുരം പോലീസ് ശേഖരിച്ച ഭക്ഷ്യ ധാന്യങ്ങൾ എത്തിച്ചത്. മംഗലപുരം പോലീസ് എസ്.എച്ച്.ഒ പി.ബി.വിനോദ് ഗ്രാമപഞ്ചായത്ത് പ്രസിഡന്റ് വേങ്ങോട് മധുവിന് ഭക്ഷ്യ വസ്തുക്കൾ കൈമാറി. വികസനകാര്യ ചെയർമാൻ മംഗലപുരം ഷാഫി, വൈസ് പ്രസിഡന്റ് സുമ ഇടവിളാകം, ആരോഗ്യകാര്യ ചെയർമാൻ വേണുഗോപാലൻ നായർ, ക്ഷേമകാര്യ ചെയർമാൻ എസ്.ജയ, മെമ്പർമാരായ കെ.എസ്.അജിത് കുമാർ, എസ്.സുധീഷ് ലാൽ, വി.അജികുമാർ, എം.ഷാനവാസ്, സിന്ധു.സി.പി, എം.എസ്.ഉദയകുമാരി, സി.ജയ്മോൻ, സബ്ഇൻസ്പെക്ടർ തുളസീധരൻ, പോലീസ് അസോസിയേഷൻ സംസ്ഥാന കമ്മിറ്റി അംഗം അപ്പു, ഗ്രാമപഞ്ചായത്ത് സെക്രട്ടറി ജി.എൻ.ഹരികുമാർ, അസിസ്റ്റന്റ് സെക്രട്ടറി സുഹാസ് ലാൽ എന്നിവർ സന്നിഹിതരായിരുന്നു.