News Details

കഴക്കൂട്ടം: രാജ്യത്ത് രണ്ടാഴ്ച കൂടി ലോക്ഡൗൺ പ്രഖ്യാപിച്ച സാഹചര്യത്തിൽ മംഗലപുരം ഗ്രാമ പഞ്ചായത്തിലെ ഒറ്റപെട്ടു കഴിയുന്നവർക്കും നിർദ്ധരരായവർക്കും വീടുകളിലെത്തിക്കുവാനുള്ള ഭക്ഷ്യധാന്യങ്ങളുടെ കിറ്റുകൾ ജനപ്രതിനിധികൾ തയ്യാറാക്കി. അഗതികൾക്കും അലഞ്ഞു തിരിഞ്ഞു നടക്കുന്നവർക്കും നിർദ്ധനരായ വൃദ്ധർക്കും പാചകം ചെയ്ത ആഹാരങ്ങൾ വീടുകളിൽ എത്തിക്കുന്നതിനോടൊപ്പമാണ് ഭക്ഷ്യധാന്യങ്ങളും വീടുകളിൽ എത്തിക്കുന്നത്. ഗ്രാമ പഞ്ചായത്ത് പ്രസിഡന്റ് വേങ്ങോട് മധു, വൈസ് പ്രസിഡന്റ് സുമ ഇടവിളാകം, വികസനകാര്യ ചെയർമാൻ മംഗലപുരം ഷാഫി, ആരോഗ്യകാര്യ ചെയർമാൻ വേണു ഗോപാലൻ നായർ, ക്ഷേമകാര്യ ചെയർപേഴ്സൺ എസ്.ജയ, മെമ്പർമാരായ കെ.എസ്.അജികുമാർ, വി.അജികുമാർ, എം.ഷാനവാസ്, എസ്.സുധീഷ് ലാൽ, സി.ജയ്മോൻ, എം.എസ്.ഉദയ കുമാരി, ലളിതാംബിക, എസ്.ആർ.കവിത, സിന്ധു.സി.പി, എൽ.മുംതാസ്, സെക്രട്ടറി ജി.എൻ.ഹരികുമാർ, അസിസ്റ്റന്റ് സെക്രട്ടറി സുഹാസ് ലാൽ എന്നിവർ കിറ്റുകൾ തയ്യാറാക്കുന്നതിന് നേതൃത്വം നൽകി.