News Details

കഴക്കൂട്ടം: ഗഞ്ചാവുമായി കഠിനംകുളം സ്വദേശി എക്സൈസിന്റെ പിടിയിലായി. കഠിനംകുളം പുതുക്കുറിച്ചി തെരുവിൽ തൈ വിളാകം വീട്ടിൽ നിസ്സാർ (43) ആണ് 1.150 കി.ഗ്രാം ഗഞ്ചാവുമായി പിടിയിലായത്. ഇയാൾ നിരവധി എൻ.ഡി.പി.എസ് കേസ്സുകളിലെ പ്രതിയാണ്. പ്രതിയെക്കുറിച്ച് എക്സൈസ് കമ്മീഷണർക്ക് ലഭിച്ച പരാതിയിൻമേലുള്ള നിർദേശാനുസരണം നടത്തിയ അന്വേഷണത്തിലാണ് പ്രതിയെ ഗഞ്ചാവുമായി കഠിനംകുളം പാടിക്കവിളാകം ക്ഷേത്രത്തിന് സമീപം വച്ച് അറസ്റ്റ് ചെയ്തത്. ചിറയിൻകീഴ്, പെരുമാതുറ ഭാഗങ്ങളിൽ വൻ തോതിൽ ഗഞ്ചാവ് വിൽപ്പന നടത്തുന്ന മുഖ്യ കണ്ണികളിൽ ഒരാളാണ് നിസ്സാർ എന്ന് എക്സൈസ് ഇൻസ്പെക്ടർ അറിയിച്ചു. കഴക്കൂട്ടം റേഞ്ച് എക്സൈസ് ഇൻസ്പെക്ടർ എ.പ്രതീപ് റാവു, അസി.എക്സൈസ് ഇൻസ്പെക്ടർ മുകേഷ് കുമാർ എന്നിവരുടെ നേതൃത്വത്തിലാണ് അന്വേഷണം നടത്തിയത്. കഴക്കൂട്ടം റേഞ്ച് ഓഫീസിൽ എൻ.ഡി.പി.എസ് സി.ആർ നം. 2 1/I9 നമ്പരായി കേസ് രജിസ്റ്റർ ചെയ്തു. പ്രിവന്റീവ് ഓഫീസർ കെ.ആർ.രാജേഷ്, തോമസ് സേവ്യർ ഗോമസ്, സി.ഇ.ഒ ജസീം, വിപിൻ, സുബിൻ, രാജേഷ്, ഷംനാദ്, ഷിന്റോ, ഡ്രൈവർ സുനിൽ കുമാർ എന്നിവർ അടങ്ങുന്ന സംഘമാണ് പ്രതിയെ പിടികൂടിയത്.