News Details

തിരുവനന്തപുരം: രാഹുൽഗാന്ധി ഫോറം പതിനൊന്നാമത് വാർഷിക സമ്മേളനം 26-ാം തീയതി രാവിലെ10.30ന് തിരുവനന്തപുരം പ്രസ് ക്ലബ്ബിൽ വച്ച് മുൻ ആഭ്യന്തര വകുപ്പ് മന്ത്രി രമേശ് ചെന്നിത്തല ഉദ്ഘാടനം ചെയ്യും. സംസ്ഥാന പ്രസിഡന്റ് മണക്കാട് സീനത്ത് ഹസ്സൻ്റെ അധ്യക്ഷതയിൽ നടക്കുന്ന ചടങ്ങിൽ ഫോറം ചെയർമാൻ അനന്തപുരി മണികണ്ഠൻ ഫോറത്തിന്റെ വിശദീകരണം നിർവഹിക്കും. ഡിസിസി പ്രസിഡന്റ് പാലോട് രവി മുഖ്യപ്രഭാഷണം നടത്തും.

മുൻ ആരോഗ്യവകുപ്പ് മന്ത്രി വി.എസ്.ശിവകുമാർ ഭക്ഷ്യ കിറ്റ് വിതരണവും, മുൻ എംഎൽഎയും, ദേശീയ ബാലതരംഗത്തിന്റെ ചെയർമാനുമായ അഡ്വക്കേറ്റ് ശരത് ചന്ദ്ര പ്രസാദ് കുട്ടികൾക്കുള്ള പുരസ്കാര വിതരണവും നിർവ്വഹിക്കും. മുൻ ഡിസിസി പ്രസിഡന്റ് കരകുളം കൃഷ്ണപിള്ള സ്വാതന്ത്ര്യ സമര സേനാനികളെയും കെപിസിസി സെക്രട്ടറി ബി.ആർ.എം.ഷബീർ മുതിർന്ന പൗരന്മാരെയും ആദരിക്കും,

മഹിളകൾക്കുള്ള സമ്മാനദാനം മഹിളാ കോൺഗ്രസ് ജില്ലാ പ്രസിഡന്റ് ഗായത്രി.വി.നായരും, നിർധനർക്കുള്ള ചികിത്സാ സഹായ വിതരണം കെപിസിസി സമിതി അംഗം ഡോ. ആരിഫയും, കലാസാംസ്കാരിക രംഗത്തുള്ളവർക്കുള്ള പുരസ്കാര വിതരണം, മാധ്യമപ്രവർത്തകനും, അഭിനേതാവും, ഡബ്ബിങ് ആർട്ടിസ്റ്റുമായ ഡി.റ്റി.രാഗിഷ് രാജയും നിർവഹിക്കും.

കൂടാതെ ചടങ്ങിൽ രാഹുൽ ഗാന്ധി ഫോറം ജില്ലാ പ്രസിഡന്റ് പൂന്തുറ മാഹിൻ, കെപിസിസി ജനറൽ സെക്രട്ടറിമാരായ സുബോധൻ, കൊയ്ത്തൂർക്കോണം സുന്ദരൻ, കെപിസിസി സെക്രട്ടറി രമണി.പി നായർ രാഹുൽ ഈശ്വർ തുടങ്ങി രാഷ്ട്രീയ സാമൂഹിക സാംസ്കാരിക മേഖലകളിലുള്ളവർ സംസാരിക്കും.