News Details

തിരുവനന്തപുരം: വൻ നഗരങ്ങളിലും വിദേശ രാജ്യങ്ങളിലും ഉള്ളതു പോലെ മുകൾ ഭാഗത്തെ മേൽക്കൂര ഒഴിവാക്കിയ ഇരുനില ബസ് (ഓപ്പൺ ഡെക്ക് ഡബിൾ ഡെക്കർ ബസ്) സർവീസിന്റെ ഉദ്ഘാടനം ഇന്ന് വൈകീട്ട് 6.45 ന് പൊതു മരാമത്ത്-വിനോദ സഞ്ചാര വകുപ്പ് മന്ത്രി അഡ്വ. പി.എ.മുഹമ്മദ് റിയാസ് ഫ്ളാഗ് ഓഫ് ചെയ്യും. കിഴക്കേകോട്ട ഗാന്ധി പാർക്കിൽ നടക്കുന്ന ചടങ്ങിന് ഗതാഗത വകുപ്പ് മന്ത്രി അഡ്വ. ആന്റണി രാജു അധ്യക്ഷത വഹിക്കും.

വിനോദ സഞ്ചാരികൾക്ക് നഗരത്തിന്റെ സായാഹ്ന രാത്രി കാഴ്ചകൾ കാണുന്നതിന് സൗകര്യപ്രദമായ രീതിയിലാണ് ബസിനുള്ളിലെ സീറ്റുകൾ ക്രമീകരിച്ചിരിക്കുന്നത്. പത്മനാഭ സ്വാമി ക്ഷേത്രം, സെക്രട്ടേറിയറ്റ്, നിയമസഭ, മ്യൂസിയം, കനകക്കുന്ന് കൊട്ടാരം, വെള്ളയമ്പലം, കോവളം, ലുലുമാൾ റൂട്ടിലാണ് സർവ്വീസ് നിശ്ചയിച്ചിരിക്കുന്നത്.

നിലവിൽ വൈകുന്നേരം അഞ്ച് മണി മുതൽ 10 മണി വരെ നീണ്ടു നിൽക്കുന്ന നൈറ്റ് സിറ്റി റൈഡ്, രാവിലെ ഒൻപത് മുതൽ നാല് മണി വരെ നീണ്ടു നിൽക്കുന്ന ഡേ സിറ്റി റൈഡുമാണ് നടത്തുന്നത്. ഈ രണ്ട് സർവ്വീസിലും 250 രൂപയാണ് യാത്രാ നിരക്ക്. പ്രാരംഭ ഓഫറെന്ന നിലയ്ക്ക് 200 രൂപയ്ക്ക് ടിക്കറ്റ് ലഭിക്കും. യാത്രക്കാർക്ക് വെൽക്കം ഡ്രിങ്സ്, സ്നാക്സ് എന്നിവയും ബസിൽ നിന്നും ലഭിക്കും.

നിലവിൽ വൈകുന്നേരം അഞ്ച് മണി മുതൽ 10 മണിവരെ നീണ്ടു നിൽക്കുന്ന നൈറ്റ് സിറ്റി റൈഡ്, രാവിലെ ഒൻപത് മുതൽ നാല് മണിവരെ നീണ്ടു നിൽക്കുന്ന ഡേ സിറ്റി റൈഡുമാണ് നടത്തുന്നത്.