News Details

നെടുമങ്ങാട്: ഇന്നലെ തിരുവനന്തപുരം മെഡിക്കൽ കോളേജ് ആശുപത്രിയിലെ കൊവിഡ് വാർഡിൽ ആത്മഹത്യ ചെയ്ത ഉണ്ണിയുടെയും മുരുകേശിന്റെയും മൃതദേഹങ്ങൾ സംസ്കരിച്ചു. ഇന്ന് വൈകിട്ട് അഞ്ചരയോടെ നെടുമങ്ങാട് ശാന്തി തീരത്താണ് ഇരുവരുടെയും മൃതദേഹങ്ങൾ സംസ്കരിച്ചത്. പോലീസ് കാവലിലായിരുന്നു സംസ്കാര ചടങ്ങുകൾ നടന്നത്. മെഡിക്കൽ കോളേജ് മോർച്ചറിയിൽ നിന്ന് ഏറ്റു വാങ്ങിയ മൃതദേഹങ്ങൾ നെടുമങ്ങാട് തഹസീൽദാർ, ആനാട് പഞ്ചായത്ത് പ്രസിഡന്റ് സുരേഷ്, ആരോഗ്യ കേരളം ജില്ലാ പ്രോഗ്രാം മാനേജർ ഡോ. അരുൺ.പി.വി, ആനാട് കുടുംബാരോഗ്യ കേന്ദ്രം മെഡിക്കൽ ഓഫീസർ ഡോ. മനോജ് എന്നിവരുടെ നേതൃത്വത്തിലാണ് സംസ്കാര ചടങ്ങുകൾ നടത്തിയത്. ആദ്യം ഉണ്ണിയുടെ മൃതദേഹവും തുടർന്ന് മുരുകേശന്റെ മൃതദേഹവും സംസ്കരിച്ചു.