News Details

കഴക്കൂട്ടം: മംഗലപുരം ഗ്രാമപഞ്ചായത്ത് സമ്പൂർണ്ണ സ്കൂൾ ലൈബ്രറി പഞ്ചായത്തായി. പൊതു വിദ്യാഭ്യാസത്തിന്റെ ഭാഗമായി സംസ്ഥാനത്തെ എല്ലാ സ്കൂളിലെയും ക്ലാസ് മുറികളിൽ ലൈബ്രറികൾ ആരംഭിക്കുന്നതിന്റെ ഭാഗമായാണ് മംഗലപുരം ഗ്രാമപഞ്ചായത്തിലെ മുഴുവൻ സ്കൂളുകളിലും ലൈബ്രറികൾ സജ്ജമാക്കിയത്. പഞ്ചായത്തു തല സമ്പൂർണ്ണ ക്ലാസ് ലൈബ്രറി പ്രഖ്യാപനം പ്രസിഡന്റ് വേങ്ങോട് മധു മുരുക്കുംപുഴ എൽ.പി.എസിൽ വെച്ച് നിർവ്വഹിച്ചു. ചടങ്ങിൽ വൈസ് പ്രസിഡന്റ് സുമ ഇടവിളാകം, വിദ്യാഭ്യാസ ആരോഗ്യ ചെയർമാൻ വേണു ഗോപാലൻ നായർ, മെമ്പർമാരായ ജൂലിയറ്റ് പോൾ, സിന്ധു.സി.പി, ഹെഡ്മിസ്ട്രസ് ജുബൈറാ ബീവി, എസ്.എം.സി ചെയർമാൻ ശ്യാം കുമാർ.ജെ, പി.ടി.എ പ്രസിഡന്റ് ഷീബ.എൻ, അഹമ്മദാലി എന്നിവർ സംസാരിച്ചു.