News Details

മംഗലപുരം: സംസ്ഥാന യുവജനക്ഷേമ വകുപ്പും മംഗലപുരം ഗ്രാമപഞ്ചായത്തും ചേർന്ന് നടത്തുന്ന കേരളോത്സവം തുടങ്ങി. 26, 27, 28 തീയതികളിൽ മുരുക്കുംപുഴ യുവപ്രതിഭ സ്റ്റേഡിയം, തോന്നയ്ക്കൽ ഇൻഡോർ സ്റ്റേഡിയം എന്നിവിടങ്ങളിലാണ് കലാകായിക മത്സരങ്ങൾ നടക്കുന്നത്. ഗ്രാമ പഞ്ചായത്ത് പ്രസിഡന്റ് വേങ്ങോട് മധു ഉത്ഘാടനം നിർവ്വഹിച്ചു. വൈസ് പ്രസിഡന്റ് സുമ ഇടവിളാകം, വികസനകാര്യ ചെയർമാൻ മംഗലപുരം ഷാഫി, ആരോഗ്യ വിദ്യാഭ്യാസ ചെയർമാൻ വേണു ഗോപാലൻ നായർ, ക്ഷേമകാര്യ ചെയർപേഴ്സൺ എസ്.ജയ, മെമ്പർമാരായ മുരുക്കുംപുഴ ഷാനവാസ്, വി.അജികുമാർ, കെ.എസ്.അജിത് കുമാർ, സി.ജയ്മോൻ, ലളിതാംബിക, സിന്ധു.സി.പി, എസ്.ആർ.കവിത, ജൂലിയറ്റ് പോൾ, തങ്കച്ചി ജഗന്നി വാസൻ, എം.എസ്.ഉദയകുമാരി, സെക്രട്ടറി ജി.എൻ.ഹരികുമാർ, അസിസ്റ്റന്റ് സെക്രട്ടറി സുഹാസ് ലാൽ, സ്റ്റാഫ് സെക്രട്ടറി ഹരികുമാർ, പ്ലാൻ കോഡിനേറ്റർ എസ്.ശ്യാം എന്നിവർ പങ്കെടുത്തു.