News Details

കണിയാപുരം: വാളയാറിലെ കുരുന്നുgൾക്ക് നീത കൊണ്ട് പ്രതിഷേധ ജ്വാല സംഘടിപ്പിച്ചു. കണിയാപുരം ബസ് സ്റ്റാന്റിനു മുൻപിൽ സംഘടിപ്പിച്ച പ്രതിഷേധ പരിപാടി കെ.പി.സി.സി അംഗം എം.എ.ലത്തീഫ് ഉത്ഘാടനം ചെയ്തു. വാളയാർ കേസിലെ പ്രതികൾ രക്ഷപ്പെട്ടതോടെയാണ് സർക്കാരിന്റെ അനാസ്ഥയും കെടുകാര്യസ്ഥതയും വെളിയിൽ വന്നത്. പ്രതികളെ സംരക്ഷിക്കുന്ന നിലപാടാണ് എല്ലാകാലത്തും പിണറായി സർക്കാർ സ്വീകരിച്ചിട്ടുള്ളത്. ഇരയ്ക്ക് നീതി ലഭ്യമാക്കേണ്ട സാഹചര്യത്തിൽ വേട്ടക്കാരുടെ ഒപ്പമാണ് സർക്കാർ ഉള്ളതെന്നും ഉദ്ഘാടനം നിർവഹിച്ചു കൊണ്ട് എം.എ.ലത്തീഫ് പറഞ്ഞു. അണ്ടൂർക്കോണം മണ്ഡലം പ്രസിഡൻറ് ശ്രീ ഭുവനേന്ദ്രൻ നായർ, ബ്ലോക്ക് പഞ്ചായത്ത് അംഗം കുന്നിൽ വാഹിദ്, ഷീജ, അഡ്വ.അൽത്താഫ്, ബുഷ്റ നവാസ്, കൃഷ്ണൻകുട്ടി, മഹിളാ കോൺഗ്രസ് മണ്ഡലം പ്രസിഡന്റ് ബീനാ സുഭാഷ്, യൂത്ത് കോൺഗ്രസ് നേതാക്കളായ കണിയാപുരം ജാബു, നൗഫൽ കണിയാപുരം, ഫാറൂഖ്, നഹാസ്, വിഷ്ണു അനീഷ്, പ്രവീൺ, സഫീർ നിഹാസ്, മദനൻ, വൈശാഖ്  തുടങ്ങിയവർ സംസാരിച്ചു.