ശ്രീകാര്യം: ഇളംകുളം അനന്തറാം റസ്റ്റോറന്റിൽ ഭക്ഷണം വിളമ്പുമ്പോൾ മീനിന്റെ തലയുടെ ഭാഗം കൂടി ചേർന്ന മീൻ നൽകിയതിനെ തുടർന്നുണ്ടായ തർക്കം മർദ്ദനത്തിലും അക്രമത്തിലും കലാശിച്ചു കഴിഞ്ഞ ദിവസം ഉച്ചയ്ക്ക് 2.30 നാണ് സംഭവം. തലയുടെ ഭാഗം കൂടി ചേർന്ന മീൻ വേണ്ടെന്നു പറഞ്ഞതിനെ തുടർന്ന് വെയിറ്റർ അത് തിരികെ കൊണ്ടു പോകാൻ തുടങ്ങുകയും ഉടൻ തൊട്ടടുത്ത മേശയിലിരുന്നയാൾ ഇത് ആവശ്യപ്പെടുകയും ജീവനക്കാരൻ നൽകുകയും ചെയ്തു. ഇതിൽ ക്ഷുഭിതനായ യുവാവ് ബഹളം വച്ചു. കാര്യം തിരക്കിയെത്തിയ കാഷ് കൗണ്ടറിലുണ്ടായിരുന്ന കടയുടമയുടെ ബന്ധുവായ അശ്വ (17) നെ യുവാവ് മർദ്ദിച്ചു. കുട്ടിയെ മർദ്ദിക്കുന്നത് തടയാനെത്തിയ കടയുടമ ശ്യാമിനെയും യുവാവ് മർദ്ദിക്കുകയും ഹോട്ടൽ അടിച്ച് തകർക്കുകയും ചെയ്തു. കടയിലെ കസേരകളും മേശയും പാത്രങ്ങളും തറയിൽ എറിഞ്ഞു തകർത്ത് ഭീകരാന്തരീക്ഷം സൃഷ്ടിച്ച യുവാവ് പൊലീസെത്തുമ്പോഴേക്കും മുങ്ങിയിരുന്നു. സംഭവത്തിൽ പോങ്ങുംമൂട് ബാപ്പുജി നഗർ സ്വദേശി രാജീവിനെതിരെ ശ്രീകാര്യം പൊലീസ് കേസെടുത്തു.
ഹോട്ടലിൽ തലയുടെ ഭാഗം കൂടി ചേർന്ന മീൻ നൽകിയതിനെ തുടർന്നുണ്ടായ തർക്കം അക്രമത്തിൽ കലാശിച്ചു
_1733564449_4791.png)
_1665903586_4727.png)
0 Comments