News Details

കഴക്കൂട്ടം: കെട്ടിട നിർമ്മാണ തൊഴിലാളി കെട്ടിട നിർമ്മാണത്തിനിടയിൽ കുഴഞ്ഞു വീണു മരിച്ചു. കല്ലമ്പലം, വർക്കല, വടശ്ശേരിക്കോണം, ശ്രീനാരായണപുരം അബി നിവാസിൽ അശോകൻ (50 ) ആണ് മരിച്ചത്. ഇന്നലെ (തിങ്കൾ ) രാവിലെ 11.30 മണിയ്ക്ക് പൗഡിക്കോണം ജംങ്ഷനു സമീപം സന്തോഷ് കുമാർ എന്നയാളിന്റെ വീട്ടിലെ പണി നടക്കുന്നതിനിടെയാണ് സംഭവം. കെട്ടിട പണിക്കായി പില്ലർ വാർക്കുന്നതിനായി കമ്പി കെട്ടുന്ന ജോലിയിൽ ഏർപ്പെട്ടു കൊണ്ടിരിക്കെ ദേഹാസ്വാസ്ഥ്യം അനുഭവപ്പെടുകയായിരുന്നു. കുഴഞ്ഞു വീണ അശോകനെ ഉടൻ തന്നെ കൂടെയുണ്ടായിരുന്ന തൊഴിലാളികളും വീട്ടുകാരും ആംബുലൻസിൽ മെഡിക്കൽ കോളേജ് ആശുപത്രിയിൽ എത്തിച്ചുവെങ്കിലും ജീവൻ രക്ഷിക്കാൻ കഴിഞ്ഞില്ല. മൃതദേഹം മെഡിക്കൽ കോളേജ് ആശുപത്രി മോർച്ചറിയിൽ. ബിന്ദുവാണ് ഭാര്യ.