News Details

തിരുവനന്തപുരം: ആദ്യകാല ചലച്ചിത്ര നടി ആറ്റിങ്ങൽ മാർക്കറ്റ് റോഡ് ലക്ഷ്മി വിലാസത്തിൽ രാജലക്ഷ്മി അന്തരിച്ചു. 82 വയസ്സായിരുന്നു.ആറ്റിങ്ങൽ നഗരസഭ മുൻ ചെയർമാനും സിപിഎം നേതാവുമായിരുന്ന പരേതനായ ഡി ജയറാമിന്റെ ഭാര്യയാണ്. മലയാളത്തിന്റെ നിത്യ ഹരിത നായകൻ പ്രേംനസീർ നായകനായി 1965ൽ പുറത്തിറങ്ങിയ ഭൂമിയിലെ മാലാഖ എന്ന സിനിമയിൽ നായികയായിരുന്നു. കളിയോടം,മായാവി എന്നീ സിനിമകളിലും പ്രധാന കഥാപാത്രത്തെ അവതരിപ്പിച്ചു. നാടകരംഗത്തും സജീവ സാന്നിധ്യമായിരുന്നു.ദേശാഭിമാനി തിയേറ്റേഴ്സിന്റെ പ്രധാന നാടകങ്ങളിലെ അഭിനേത്രിയായിരുന്ന രാജലക്ഷ്മി നിരവധി പുരസ്കാരങ്ങളും നേടി. വിവാഹത്തെത്തുടർന്ന് അഭിനയം അവസാനിപ്പിച്ചു. ആറ്റിങ്ങൽ നഗരസഭാ മുൻ ചെയർമാൻ സി ജെ രാജേഷ്കുമാർ, സി ജെ ഗിരീഷ്കുമാർ എന്നിവരാണ് മക്കൾ.