തിരുവനന്തപുരം: കോവിഡ് 19 രോഗവ്യാപനത്തിന്റെ പശ്ചാത്തലത്തിൽ ആകാശവാണി കേരള നിലയം പ്രക്ഷേപണം ചെയ്യുന്ന വാർത്തകളുടെ സമയം പുന:ക്രമീകരിച്ചതായി വാർത്താവിഭാഗം മേധാവി എ.എം.മയൂഷ അറിയിച്ചു. നിലവിൽ രാവിലെ 7.25, ഉച്ചക്ക് 12.50, രാത്രി 7.25 എന്നീ സമയങ്ങളിൽ പ്രക്ഷേപണം ചെയ്തിരുന്ന വാർത്തകൾക്ക് പകരം രാവിലെ 10.15, ഉച്ചക്ക് 2.55 വൈകിട്ട് 5.00, രാത്രി 9.00 എന്നീ സമയങ്ങളിൽ പ്രത്യേക വാർത്തകൾ പ്രക്ഷേപണം ചെയ്യും. രാവിലെ 6.45, ഉച്ചക്ക് 12.30, വൈകിട്ട് 6.20 എന്നീ സമയങ്ങളിലെ പ്രാദേശിക വാർത്തകൾ മാറ്റമില്ലാതെ തുടരും. പരമാവധി വാർത്തകൾ ശ്രോതാക്കൾക്ക് എത്തിക്കുന്നതിനായി ഇവയുടെ സമയവും നീട്ടിയിട്ടുണ്ട്. ഇതിന് പുറമെ രാവിലെ ആറിന് ആരംഭിച്ച് രാത്രി പത്തിന് അവസാനിക്കുന്ന ആകാശവാണി എം.എഫ് സ്റ്റേഷനുകളുടെ ഒരു മണിക്കൂർ ഇടവിട്ടുള്ള പ്രധാനവാർത്തകൾക്കും മാറ്റമില്ല. നിലവിൽ രാവിലെയും വൈകിട്ടും ഡൽഹി നിലയത്തിൽ നിന്നും പ്രക്ഷേപണം ചെയ്യുന്ന ഇംഗ്ലീഷ്, ഹിന്ദി വാർത്തകളുടെ ദൈർഘ്യവും വർധിപ്പിച്ചിട്ടുണ്ട്. കൊറോണ പ്രതിരോധ നടപടികൾ സബന്ധിച്ച കേന്ദ്രസർക്കാർ നിർദേശങ്ങളുടെ ഭാഗമായാണ് ഈ മാറ്റം. സന്നിഗ്ധ ഘട്ടത്തിൽ വരുത്തേണ്ടി വന്ന മാറ്റങ്ങളോട് ശ്രോതാക്കൾ സഹകരിക്കണമെന്നും സ്ഥിതി മെച്ചപ്പെടുത്തുന്നതിനനുസരിച്ച് പൂർവ സ്ഥിതി പുന:സ്ഥാപിക്കുമെന്നും വാർത്താ വിഭാഗം മേധാവി അറിയിച്ചു.
കോവിഡ് 19: ആകാശവാണി വാര്‍ത്തകളുടെ സമയം ക്രമീകരിച്ചു
_1733564449_4791.png)
_1665903586_4727.png)
0 Comments