മെസേജിങ് ആപ്പായ വാട്സ്ആപ്പ് രണ്ടു മണിക്കൂറോളം നിശ്ചലമായി. ഉപയോക്താക്കൾക്ക് സന്ദേശങ്ങൾ അയക്കാനോ സ്വീകരിക്കാനോ സാധിച്ചില്ല. ലോകവ്യാപകമായി പ്രശ്നം റിപ്പോർട്ട് ചെയ്തതായി ട്വിറ്ററിൽ ഉപയോക്താക്കൾ ചൂണ്ടിക്കാട്ടുന്നു. അതേസമയം, ഇതുസംബന്ധിച്ച് വാട്സാപ്പ് പ്രതികരിച്ചിട്ടില്ല. ഇന്ന് ഉച്ചക്ക് 12.30 മുതൽ ഏതാണ്ട് 2 മണിക്കൂറോളമാണ് സേവനങ്ങൾക്ക് തടസം നേരിട്ടത്. വാട്സ്ആപ്പ് വെബ്ബിൽ കണക്റ്റിങ് ടു വാട്സ്ആപ്പ് എന്നാണ് എഴുതി കാണിച്ചു കൊണ്ടിരുന്നത്.
സ്മാർട്ട്ഫോണുകളിലെ ആപ്പുകളിലാവട്ടെ മെസേജുകൾ സെൻഡ്‌ ചെയ്യാനും റിസീവ് ചെയ്യാനും കഴിഞ്ഞില്ല. വാട്സ്ആപ്പ് സ്റ്റാറ്റസുകളും ലോഡായിരുന്നില്ല. വാട്സ്ആപ്പിന്റെ സമൂഹമാധ്യമ ഹാൻഡിലുകളിൽ ഇതുസംബന്ധിച്ച് വിശദീകരണമൊന്നും നൽകിയിട്ടില്ല. ലോകത്തിലെ ഏറ്റവും വലിയ ചാറ്റ് പ്ലാറ്റ്ഫോമാണ് വാട്സ്ആപ്പ്, ഫേസ്ബുക്കിനും യൂട്യൂബിനും ശേഷം മൂന്നാമത്തെ വലിയ സോഷ്യൽ മീഡിയ പ്ലാറ്റ്ഫോമുമാണ്
ലോകവ്യാപകമായി വാട്സ്ആപ്പ് നിശ്ചലമായി
_1733564449_4791.png)
_1665903586_4727.png)
0 Comments