News Details

മംഗലപുരം: മംഗലപുരം ഗ്രാമ പഞ്ചായത്തിലെ ഗവ: ആയ്യുർവ്വേദ ഡിസ്പെൻസറിയിൽ ആയുർ രക്ഷാ ക്ലിനിക് ആരംഭിച്ചു. ഗ്രാമപഞ്ചായത്ത് പ്രസിഡണ്ട് വേങ്ങോട് മധു ഔഷധ വിതരണോത്ഘാടനം നിർവഹിച്ചു. ഇനി മുതൽ കോവിഡ് -19 രോഗ പ്രതിരോധത്തിനും രോഗ പ്രതിരോധ ശേഷി വർദ്ധിപ്പിക്കുന്നതിനുമായിട്ടുള്ള ഔഷധങ്ങൾ ക്ലിനിക്കിൽ നിന്നും ലഭ്യമാകും. ഇന്നലെ ബോധവൽക്കരണവും ഔഷധ വിതരണവും നടത്തി. വികസനകാര്യ ചെയർമാൻ മംഗലപുരം ഷാഫി, മെമ്പർമാരായ എം.ഷാനവാസ്, വി.അജികുമാർ, മെഡിക്കൽ ഓഫീസർ ഡോക്ടർ. ആർ.യു.രഞ്ജിനി എന്നിവർ സന്നിഹിതരായിരുന്നു.